صفاء مهندسة معمارية سورية ومصممة متعددة التخصصات ،اتمتع بخبرة 10 أعوام في مجالات مختلفة مثل الهندسة المعمارية والبناء و الرسم باليد الحرة والفن التوليدي . حصلت على الماجستير في الهندسة المعمارية / قسم التصميم المعماري من جامعة حلب 2019عام ، بأطروحة ماجستير تبحث في طرق الاستفادة من التكنولوجيا الرقمية / BIM / في طور إعادة الإعمار.
كوتش معتمد من IBCT ، ذات خبرة في دعم الطلاب والمصممين في بداية حياتهم المهنية. لدي خبرة تدريس وتدريب مايزيد عن 500 طالب في عدة جامعات وبمختلف اقسام الهندسة المعمارية.
كاتبة ومدربة في:
- تنمية التفكيرالإبداعي في التصميم المعماري
- الكونسبت المعماري
- رسم الاسكتش والمنظور المعماري
- الاظهارالمعماري
- التصميم بواسطة الذكاء الصناعي التوليدي
تشمل محفظة أعمال صفاء العديد من المشاريع والمسابقات المعمارية والافكار التصميمية ،تتمتع بخبرة عالية في برامج الهندسة المعمارية و الرسم الرقمي مثل PROCREAT. و AI MJv6 الذكاء الصناعي التوليدي ، بالإضافة إلى امتلاكها قدرة فريدة على الرسم الحر. تشارك صفاء أسكتشاتها بانتظام على Instagram، وتعتبر الطبيعة والفضاء والعمارة القديمة أكبر مصادر الهامها.
صفاء طالبة عمارة مميزة أتوقع لها مستقبل رائع ستصبح بروفيسورة أو باحثة معمارية .
مشروع مميز ومتكامل وشامل لجميع العناصر الكونسب ،الدراسة الوظيفية ،الإنشائية والجمالية . نتوقع للطالبة صفاء رزوق أن تكون زها حديد المستقبل وأن تصل للعالمية.
ماشالله عنك دكتوره وفهمانه وفوق كل هاد احترام لأبعد حدود ...افكارك حلوه ومنطقيه ...وشغلك مميز،وانا مبسوط ومرتاح لأنك عم تتابعي مشروعي . والله رح تم ادعيلك طول حياتي و الصراحه الديزاين الماضي تعاملك وشغلك رائع وحابب تتابعي معي مشروع التخرج .
كطالب عمارة كتير ايام بصير ضغط ومنحتاج مساعدة ممكن تكون في تطوير افكار او تنظيمها كمشروع متكامل وبصراحة في فترة معينة انا احتجت هاد الشي وشاء القدر وتعرفت عل المهندسة صفاء الي ساعدتني بحل مشاكلي بفكرها و خبرتها الهندسية من خلال الافكار العصرية المتناسبة مع محيط المشروع وكمان بتميزها في التوازن بين شغلنا عالمشروع وتعليق الدكاترة طبعا هاد الشي كلو بيحتاج لدقة بالعمل والالتزام بالوقت وهالشي متميزة فيه المهندسة صفاء .
الفكرة والبلانات والتفاصيل الي بدنا نعملها كتير حلوة ,الله يعطيكي الف عافية يارب ويسلم ايديكي .جدا راضي بالشغل معك، الحمدالله التقديم كان جداً جيد تقريباً مافي تعديلات كانت تعليقات لتسليم الفاينل الف الحمدالله يعني ولا تعليق بالتصميم او بتفاصيل المبنى، كلو تابع بالبوسترات وتحسينات للفاينل بس مو اكتر
الله يزيدك عمر وعلم يا أغلى إنسانة على قلبي والله كنت معي كل هاد المشروع بفضل رب العالمين وفضلك حطيت فلسفة لمشروعي كتير عجبتن لدكاترتي وطلعت أحلى فكرة .. يوما شرحتيلنا عليها أنت ... فضلك غامرني بكل خطوة بخطيها بدراستي شكراً من كل قلبي يا مثلي الأعلى .
والله أنا فقدتلك آنسة صفاء وعنجد حاسة حالي تبرمجت عالشغل بس معك . أول الشي شكراً ع كلشي قدمتيلنا ياه فضلك مارح انساه أول مرة بدخل ع عالتصميم وبحس حالي واثقة بأفكاري وقادرة ناقش بكل ثقة
انسة صفاء .. رح تبقي أكثر حدا فادنا من كل قلبه بالعمارة كل اسكيز وكل مرة امسك قلم السكيتش اتذكرك.. تعلمت منك استيحاء الكونسبت .. " من جعلتني أحب الهندسة بطريقة أخرى... من كانت ملاحظاتها ونصائحها ترافقني دائماً"
كنتي ورح تبقي مثلي الأعلى ومن اسبوعين قدمت CV لمادة عندي كنتي من ضمن أسماء المعرفين بفتخر بشهادتك فيي أنا وقفت ب هالفرع بفضل الله وفضلك علمتيني القوة والثقة وحببتيني بالعمارة أكثر وأكثر شكراً على كلشي قدمتيلي ياه من كل قلبي وبتمنالك الخير والنجاح والسعادة بحياتك لأن قلبك الطيب مابدو غير هيك .
إلى من سافرت وتركت رحيقها في كل زوايا ذكرياتي وفرحي وخوفي كنت وما زلت سندي الدائم أستاذتي التي أباهي بها العالم في كل يوم وكل لحظه صديقتي وملهمتي إلى من طارت نحو المجد أحبك رغم بعد المسافات بينتا
بكل صراحة انتي اكثر حدا بيستحق اهديكي هاد الانجاز، والله كل لحظة مشيناها انتي معنا وببالنا. وانا حرفيا ما بنساكي لانو انتي الحدا يلي خلاني حب هاد الطريق ويصير جزء مني بسسبب بعض الجمل والكلمات واللحظات اللي حكيتيني ياها مستحيل اني انساها ولهلق بترن براسي وبتذكرا .
مستحيل انسى بهاليوم اتشكر يلي كانت الداعم الأكبر إلنا يلي شجعتنا وحببتنا بالعمارة وعززت ثقتنا بنفسنا بتشكرك من كل قلبي يا آنسة فضلك ما بنساه صح بعدتي بس كنتي بكل خط ارسمو أنت معي بكل تكوين معماري اتذكر نصايحك ،كل كلمات الشكر مارح توفيكي حقك .
آنسة صفاء عنجد انت اكبر خسارة لجامعتنا ،وانت من احسن الاشخاص اللي عرفتن واستفدت منك كتيير. بديي معيدة متلك تناقشني وتشغلنيي وتنسفليي وتدعمني بس يبهدلني الدكتور .يالله انسة عنجد مااافي متلك معيدة عنا وبرجع بقلك الطلاب والجامعة الخسرانة .
كيفك انسة صفاء اقسم بالله شو ما حكو عليكي قليل وحياة ربي انو جامعتنا خسرت اكثر شخص كان يشتغل فيها ويخاف ع الطلاب ولله غيابك عنا كان خير الله صعب صح كان فصل بس والله العظيم كنتي أكثر شي صح بالجامعه ونشالله يجي اليوم وشوفك احسن دكتورة بأحسن جامعة بسوريا .
بتصدقي آنسة صفاء ! كنت مفكرة اني نسيت كل شي اخدتوا بالدورات و رح ارجع بلش من صفر و كل المعلومات والدورات تخربطوا براسي ، بس اتدربت شوي لقيت كلل شي مثل ما تعلمتو ،وابدا وين وقفنا هون عم دقر. الحمد لله بناءك متين .
والله يا آنسة مشان كون صريح ادامك وادام ربي انا كثير استفدت منك بدرجة كبيرة وبفترة صغيرة ويتعرفي ادش كانت صغيرة . مستحيل انسى هالفترة ولله كانت حلوة كثير بكلشي فيا .
كيفك يا انستي الغالية عقلبي كتيير ؟ ياريتك لو بتشاركيني هاللحظة بالتخرج انت كنتي صاحبة اللمسة الأولى بالعمارة . مارح يمر عليي انسة متلك يا احن واحسن واغلى انسة واكثر انسة الها البصمة الاولى والفضل الاول .
لسه ماكملنا الدورة وهيك كيف لقدام ؟ ما في شي كامل انسة بس بالله الجرأة يلي طلعت اليوم كلا بسببك ،بدنا نخرب الدنيا وقتا انسة وكلو بفضلك .
اول مرة شفتك كنت طالعة عالدرج و فارطة و عم قول هلا محرزة كل هالتعب مشان هالدورة ؟ لا و لسا بدي قلها ساعة ع وضعي ، انا وصلت يا الهي كيف كنتي واقفة بجهوزية فظيعة و ضحكتك كانت يعني ما بعرف كيف ... نظرتك كانت كتير مرحبة بشكل فظيع وانا عم قول لك شو صار خلال ثانية و كملنا حكي رجعت مصطهجة كتير والله .
ما بدي قول غير الله يخليلنا ياكي عطيتينا شي كتير كبير ان شاء الله نكون عند حسن ظنك ومتل ما بتحبي تشوفينا .. كنتي و رح تضلي انستنا و قدوتنا و اختنا .. اشتقنالك كتير والله
الله يعطيك ألف عافية يارب و يحميك و يديمك شعلة أمل وقدوة لكل طالب سدئيني ما بحسن اوصفلك الراحة النفسية يلي حسيت فيا بعد ما رجعت من الدرس حسيت بواب السما انفتحتلي الله يعوضك عن كل هالتعب يلي عم تتعبيه لتقدمي شي من علمك و توصليه لالنا نحنا فقرا بالعلم ادام يلي متلك كتير يا انسة الله يحميك و يرضيك و يعوضك يارب
كيفك انسة... نجحت بالوطنيي . كل طلاب الدورة معك نجحو الحمد لله الله يخلييلي ياكي ، والله بعد أهلي حكيتك لبشرك صوت ، الفضل الأكبر الك .
23. يعطيكي الف عافية كتير عم ننبسط من اللي عم نتعلمو بالدورة و مبسوطين بالنتائج يلي عم تطلع معنا
24. حاسة كتير فارقة على حالي اذا كان الشغل مو زابط بالتصميم عم اعرف لاقي حل بديل اسرع من قبل الله يعطيكي الف عافية .
اليوم عم حاول بشكل واجهة حسيت ايدي لحالا رسمت منظور مثل لما تكوني عم تشرحيلنا شي وبدك توضحيلنا .. ياه هيك ايدي لحالا رسمت . ومن كم يوم كان تسليم السنة الرابعة ساعدتن بالاخراج ما خلصت الا ومنظر ايديي متلك بعد ما نخلص درس الاخراج كفوفي كلا الوان اركض ركض بيناتن كتيير كان يوم سعيد كتير
شكرا الك يا اروع آنسة مرت بحياتي اكيد فضلك وتعبك معي ما بنساه وتخرجي ناقص وجودك
لولاكي يا آنسة صفاء ما بمسك لون ب ايدي بالفصل الماضي سلمت مشروعي و اجت الجامعة كلا تتفرج ع اخراج مشروعي اد مو كان حلو و مرتب وكنت كل ما اضرب خط بباستيل او ألفا اتذكر ملاحظاتك وكلماتك .
الله بيشهد إنك معي بكل لحظة بكل فكرة بكل معلومة بكل اسكيز بكل ضربة حبر ولون علمتينا ياها أنت معي دائماً يا آنسة وفضلك كبير كتير تركتي جواتي بصمة عظيمة بعظمتك
مرحبا انسة ،كيفك بس حبيت هيك ابعتلك الواجهات والموقع العام واتشكرك لانو اول مرة بكون عندي قوة قلب اني لون او اضرب بحبر عالواجهة .
شكرا يا آنسة الله يحفظك يا رب نحنا وصلنا لهون بفضل الله ثم بفضلك ما قصرتي معي ابدا والله وإن شالله كون عند حسن ظنك فيي .
إيفلين روز
المدير التنفيذي
جون لاندون
مصمم
بول جراي
مهندس معماري
مونيكا سميث
مصمم